السلام عليكم ورحمة الله...ل الى بيدور على مشروع كويس ومربح مشروعك مضمون 100× 100 مشروع مصنع بلاستيك نصف خط انتاج نبذه مبدئيه عن المشروع
انهاردة هنتكلم عن مشروع في غاية الروعة
مربح طول السنة لأنه سلعة أساسية ومطلوب طول السنة مش مشروع موسمي
مشروع تصنيع البلاستيك
الاول لازم نعرف فكرة عن الشنط البلاستيك
جودة الخامات في الشنط 3 انواع
ردةLow ريحته فظيعة وغير صحي وملمسها خشن ومافيش حد بيشتغل فيه الا نادرا جدا.
وسط احسن خامة تشتغل فيها وربحها ممتاز جدا وأغلب الناس بتشتغل فيها لان سعرها معقول وجودتها معقولة وصحية وبدون ريحة وملمسها محبب
عالية high خامة روعة ملمسها ناعم جدا وبدون ريحة ولكن ربحها قليل جدا وكمان الطلب عليها مش كتير
كدا يبقي عرفنا اننا هنشتغل في الخامة الوسط لان ربحها ممتاز وصحية وبدون ريحة ومطلوبة كتير لان سعرها معقول
نيجي بقي للماكينات اللي هنحتاجها للمشروع دا
ماكينة مقص الماكينة دي هنركب فيها رول البلاستيك وهنظبط مسطرة الماكينة علي مقاس الشنط المطلوب وهنشغل الماكينة وهتطلع الشنط مقصوصة حسب المقاس ومقفولة من 4جهات
المكبس مهمته اننا ناخد الشغل من ماكينة المقص ودخله علي المكبس علشان يقطع شكل الايد بتاعة الشنطة طبعا الهالك بنبيعه تاني للمصنع اللي بناخد منه الرول
ميزان نوزن الشنط كل كيلو لوحده ونحط الكيلو في كيس سلوفان يكون مطبوع عليه اسم المصنع والعنوان ورقم التليفون
كدا هيبقي باقي تعبئة الشنط في شكاير بلاستيك
العمالة المطلوبة
ممكن فرد واحد يشتغل في المشروع دا والافضل يكون هو صاحب المشروع
الإنتاجية في الوردية 12ساعة
من 300 كيلو الي 500 كيلو حسب اللي شغال علي الماكينة وحسب حالة الماكينة كل ما يكون القاطع مسنون هيقطع الشنط كويس وبسرعة
سعر الخامات و الربح
الخامة المتوسطة اللي هنشتغل فيها سعر الكيلو فيها 12 جنيه وهنبيع ب 16 ونص او 17يعني المكسب صافي حوالي 4 جنيه في الكيلو يبقي المصروفات والأرباح كالتالي
المصروفات يوميا لو اخدنا من كل كيلوا 1جنيه يبقي 300جنيه يوميا مصروفات تشغيل طبعا هيكون المصروفات اقل من كدا إنما لازم نعمل حساب قطع غيار وصيانة الماكينة والنقل والكهرباء واي مصاريف مفاجئة
الربح الصافي يوميا 1200 جنيه صافي يوميا في 300كيلو بس
راس مال المشروع
الماكينات هنشتريها مستعملة وأغلب الناس بتشتغل كدا وسعر الماكينه بيبدأ من 55 الف
سعر المكبس الهيدروليك اوتوماتيك يبدأ من 20الف
الخامات الطن ب 12 الف او اكتر حسب الطلب
الإجمالي يبدا من 85 الف او اكتر شوية علي حسب امكانيات الماكينات
الكهرباء المستخدمة في ماكينات بتشتغل علي التيار العادي 2 فاز وفي ماكينات بتشتغل 3 فاز وبنركب عليها انفرتر علشان تشتغل علي 2 فاز
المساحة المطلوبة
ممكن مساحة 30 أو 30 متر وهتحتاج مخزن لتخزين الخامات و الانتاج وممكن مساحه اقل
التسويق
مين بيشترى شنط بلاستيك
لازم نركز علي محلات الشنط البلاستيك الجملة لان هم اللي هياخدوا مننا كميات كويسة نتفق معاهم ونشوف هيحتاجوا مقاسات ايه والكميات المطلوبة ونعمله يعني هنشتغل حسب الطلبيات المطلوبة بس انت لاحق عليهم في الشغل
السوبر ماركت والبقالة والاكشاك
الصيدليات
تجار الخضار والفاكهة
محلات السلع الغذائية
محلات الألبان
اي نشاط تجارى بيحتاج الشنط
طبعا لما مشروعك يشتغل بكل طاقته الإنتاجية وتلاقي المطلوب اكتر من اللي تقدر تعمله يبقي لازم تشترى ماكينات تاني علشان تزود الإنتاج وكمان علشان تريح الماكينات
اتمني أن أكون وفيت بكل المعلومات المطلوبة
تحياتي /@ماكينات اكياس بلاستيك توريد شركه الحديدي للاستعلام برقم واتس _01063340401
موبايل _01000634142
تعليقك يهمنا